ქვევრის ღვინო 

როდესაც ტრადიციული ქართული მეთოდით (განსხვავებით კლასიკური მეთოდისა) დამზადებულ თეთრ ღვინოს ვახსენებთ, მხედველობაში გვაქვს მიწაში დამარხულ, კვერცხის ფორმის ჭურჭელში, ანუ ქვევრში დამზადებული ღვინო. ქვევრის ღვინის დასამზადებლად, დასავარგებლად და შესანახად გამოიყენება უძველესი, ტრადიციული მეთოდის შესაბამისად, ყურძნის მთლიანი (კლერტიანი) მტევნები საწნახელში, ხის სათავსოში იყრება, რომელიც, როგორც წესი, ხის მთლიანი ნაჭრისაგან ითლება. წიპწის დაზიანების თავიდან ასაცილებლად, ყურძენი ფეხით იწურება და პირდაპირ ქვევრში მიედინება. დაწურვის შემდეგ, ფერმენტაციის პროცესის განმავლობაში, ჭაჭაც (კანი, წიპწა და კლერტი) ქვევრში თავსდება. დუღილი 20 დან 40 დღემდე გრძელდება, ყურძნის სახეობის და მოსავლის ხარისხის შესაბამისად. როცა ფერმენტაცია დასრულდება და ე.წ. „ქუდი“ ჩაძირვას დაიწყებს, სავსე ქვევრს ქვის ან შუშის თავსახურს ახურავენ, მიწით ან კიროვანი თიხით ჰერმეტულად ხუფავენ მეორადი დუღილის დასასრულებლად და გაზაფხულამდე (გვიან მარტამდე ან ადრეულ აპრილამდე) ტოვებენ. მოგვიანებით ღვინოს ჭაჭისგან აცალკევებენ, ახალ ქვევრში გადააქვთ და კიდევ ერთი წლით აძველებენ. პროცესი მსგავსია ყურძნის წითელი ჯიშებისთვისაც, იმ განსხვავებით, რომ კანის მაცერაცია ოთხი-ექვსი თვის ნაცვლად მხოლოდ 4-6 კვირა გრძელდება. ქვევრის ღვინოები ძლიერი, ტანინიანი ტექსტურით ხასიათდება; თეთრი ღვინო გარგრის, ფორთოხლის ცედრის, თხილის და გამხმარი ყვავილების არომატებს იძენს, წითელი კი უფრო სხეულიანი, კიროვანი სტრუქტურით გამოირჩევა. 

ქვევრის ღვინო მდიდარი ქიმიური შემადგენლობით, უნიკალური გემოთი, ბუკეტით და სამკურნალო თვისებებითაა ცნობილი.

საუკუნეების მანძილზე, დღევანდელ დღემდე, საქართველოში  ღვინოს ქვევრში ამზადებდნენ. მეოცე საუკუნეში ქვევრის კომერციულმა გამოყენებამ იკლო - შრომატევადობის გამო, ღვინის ამ მეთოდით დამზადება არამომგებიანად ითვლებოდა. თუმცა, დღესდღეობით, ქვევრის ღვინისადმი გაზრდილი ინტერესის წყალობით, ღვინო ამ მეთოდით არა მხოლოდ საქართველოში, არამედ მის ფარგლებს გარეთაც მზადდება. 
2013 წელს ქვევრის ღვინის დაყენების ქართული მეთოდი იუნესკოს არამატერიალური კულტურული მემკვიდრეობის ძეგლების სიაში შევიდა.
 
ბესინის ქვევრის ღვინო

ჩვენმა კომპანიამ ღვინის ქვევრის მეთოდით დამზადება 2014 წლიდან დაიწყო და მას შემდეგ ქვევრების რაოდენობა, ისევე როგორც მასში დამზადებული ღვინოების ასორტიმენტი მუდმივად იზრდება. 

Back to Top